Hvað er merkjakerfi?

Merkjakerfi er best lýst sem kerfisbundnu upplýsingakerfi, sem gefur notendum þess nauðsynlegar og áreiðanlegar upplýsinga sem auðvelt er að bera saman, þannig að notandinn getur sjálfur valið þá vöru sem best svarar hans þörfum og kröfum.

Velþekkt dæmi um merkjakerfi  er t.d.  vörulýsingarkerfi sem  er í grundvallaratriðum kerfisbundin vörulýsing sem gefur neytandanum tryggingu fyrir því að haft er eftirlit með því að upplýsingar um innihald vöru séu réttar.

Á öðrum vettvangi er ennfremur notað hugtakið „Gæðastaðlakerfi". Hugtakið „gæðastaðall" merkir að vara sem hefur áunnið sér gæðamerki stenst ákveðna gæðastaðla, sem geta verið opinberir staðlar eða lágmarkskröfur með tilheyrandi lagaákvæðum.

Dæmi um gæðastaðlakerfi er stjörnugjöf til hótela og tjaldstæða, þar sem fjöldi stjarna segir til um gæði aðstöðu og þjónustu á gististaðnum.

Munurinn á þessum tveimur merkjakerfum er sá að þar sem „gæðastaðlakerfi" er byggt á fyrirfram ákveðnum stöðlum er varða innihald vörunnar, útlit og gæði, þá eru vöruupplýsingakerfi ekki byggt á fyrirfram ákveðnum gæðastöðlum heldur eru hrein og bein vörulýsingarkerfi. Það dæmir ekki gæði innihaldsins en gerir neytandanum hins vegar kleift að kynna sér  sjálfur - og bera saman - innihald vöru og eiginleika.

Aðgengismerkjakerfið er sambland af gæðastaðlakerfi og vörulýsingarkerfi.